اشعار شعبية عراقية 2014

بسم اللة الرحمن الرحيم
احب ان اقدملكم مجموعة اشعار شعبية عراقية 2014




مرات البحر مايروي عطشان
لأن موكل عطش بالماي يروه
أكو محتاج يهوى شلون ماجان
ويصح مثلك محب مليون يسوه
أنا بحبك فتحت الروح ديوان...
وتمنيتك تجيني أبلايه نخوه
ماأريد بجذب نتسمه احباب
أنا اريد المحبه وياك تقوه
كلبك مدرسه وتلميذ اني وياك
صدكني بمحبتك ماخذ القدوه


يادمعة حزينة الخد تلكاج
بس لا ترمش العين وتطيحين
اجم بسمة جميلة تفارك شفاج
وانتي على الجفن بهداي تمشين
شعتب على الرمش ما انصف وياج
رمش جفني خبطتي وياج ودمعي يطيح
لو بيدي اليسليج جبتة يسلاج
ولا خليج بجروحي اتسلين
انشدي ويالرمش لو مرو اعداج
ومن يرحون فيضي شما تفيضين


لوسال الدمع لتعاتب الراح .
عاتب عيونك ليش لهسة حزينة
حبيناه اي نعم بس هسة مرتاح
من باع احلى ايام كلبي وسنينه
كالولي الصبر لكل فرج مفتاح
عاشرت الصبر وبعشرته بلوة ابتلينا
لاتعتب بعد حبك من كلبه نزاح
واحنة لنفسنا جبناها بادينة


بسكـ يازمـــــن وشعندك وياي؟
كضيــــت العمر أحــزان بأحزان
خذت مني الســعاده وكل الامال
ولاأصــحاب الــي ولابقوا عــوّان
وبـــس همومـ منكــ ماكو أفـراح
وطبــعت بكلبــي مية الـف نيشـان
وتطـعن بالـكلب تلجــم بالجــروح
وبكـل لحـظه احسّــه يثور بركــان
وماتنصف عدل وبروحي تزرع آآآآآآآه
وبزرعكـ خضـرت هالروح بســتان
محتاجه الفــرح وماريد شــي وياه
الماعنـده فرح مثل الهجرله أوطــان؟
وحتى الصبر مل خلصتـــه وياكـ
وروحي من الصـبر وجّــت بنيران
درستك يازمن من الالف للنون
واحفظلكـ وفـه وتكلي غلــطان
تعرف بس خيانه وهجــر وجروح
وتشمّت يازمن بجروحي عـــدوان
اريدن بس سبــب لعنادكـ وياي
صدكني بعذابك كلبي حيـــران
لناسك قسمت كلهم عناوين
ومجروح زماني حصتي عنوان


مُر بية واهس طفل ما حاضن امه من الصغر
ونطيني بس مرة امل .. يا مرة ؟ محتاجك عمر
ضليت بل ها يجي ها ما يجي وظنوني خلصن وانت لا ما تمر
كل دكة مابية گلب خلص گلبه من الصبر
يل فاركتني بلا سبب مُر بية ناذرلك نذر
والكعبة لو رديت اله انثر ضحكتي بكل شبر
محتاجلك كَد الهوة .. لا يا هوة
كَد حاجة المحتاج لدنيا ضوة
كَد حاجة الغركَان محتاجك هوة..


هي وجهة نظر..مو قصدي عتاب
احسن النه هواي ننسى ونفترك
كلمن يسد باب شوكه ويستريح
لا ادك بابك..ولابابي تدك
كافي موكل يوم تجرحني وتروح
هاي ما طلعت محبة ولا عشك
اضحك بوجهك جذب وبكلبي نار
واكتم انفاسي بمرار واختنك
هواي جاملتك ترى ومنطيك عين
وبعد ماظل صبر عندي ولا خلك
واني يبن الناس ما ضمها عليك
تزعل انت هواي من حجي الصدك
انت شمعة واني صاير بيك خليط
وانت صح تموع..بس انه احترك...


احس متغير اني ومـــــــالي خلك الناس
وأحس تعبان كَلبي من الوكت مــــــقهور
مثل غيمة حزن تمـــــطر علي كبـــــريت
وانه بنار عايش والدمـــــوع تــفــــــــــــور
كل يوم الامس مثل الفلــــــم ينعــــــــاد
وباجر والامس والجاي نفـــــــس الطــــور
ناعور الوكت يســـــــگيني جان اشـــعار
وافتر الوكت وانه الــــــصرت ناعـــــــــــــور
جنت اضحك واسولـــــــــف ويا هذا وذاك
على غفلة ولگيت الناس كلها جــــــــور
طرت بجـــــــــناح واحد للفرح فد يـــــــوم
شو حتـــــــى الفرح ردني بجنح مكسور
ضيعت البـــــــــخت وانه الجنت محـــظوظ
حتى ويا العــــــشك ما عشت لحضة بنور
يا كَلبي شكثر عذبــــــــــــتك انت ويــــــاي
احس كَلبي على كَلبي من الحزن مفطور


ضميرك شكلك من بعت حبي ؟
ما اجه ببالك حركَتي وتعبي
مختلف عندك طعم آلشفآيف
لو حضنته بسآع مثل المشايف


انه اشتاگيت الك والشوك رايد حيل
مثل حاجت النجمه تريد حضن الليل
انه بتموز جنت استبرد بلياك
بهذا الجو تعال منين اجيب الحيل
.
.
.
.
admin